Til hvers eru Byggingarreglugerðir???

Ákvað að blogga ekki á meðan ég væri reið út af málinu, gæti sagt eitthvað eða skrifað eitthvað sem er ekki prenthæft, né þorandi að segja opinberlega.

Í gær sagði ég lögfræðingnum mínum að ég sætti mig alls ekki við niðurstöðuna í Héraðsdómi Reykjavíkur og sagði að ég vildi og ætla mér að fara lengra með málið, ég er allt of þrjósk til að taka þessari ölmussu og samþykkja þversagnakenndan dóm í málinu. Lögfræðingurinn sagði mér að taka mér nokkra daga til að hugsa málið, og að hann ætlar að láta sína samstarfsfélaga lesa yfir dóminn til að ákveða framhaldið.

Í dag er ég búin að lesa yfir dóminn almennilega og lesa allar byggingarreglugerðir fram og aftur. Ég er búin að velta því mikið fyrir mér og er orðin alveg samfærð um að fara með málið fyrir Hæstarétt.

Til hvers eru byggingarreglugerðir????? Eru þær ekki settar til að framfylgja þeim??? Þurfa byggingarfélög ekki að fylgja þeim eða vinna eftir þeim????? Hver á að sjá um að þeim er framfylgt????

Hvernig getur dómari sýkna byggingarstjóra, byggingarstjóra sem á að bera ábyrgð á því að byggt sé í samræmi við byggingarreglugerðir, en gerir það ekki?  Ef byggingarstjóri framfylgir ekki byggingarreglugerðum, eins og kemur fram í dóminum sem féll í gær, varðandi aðgengi fatlaðra fyrir utan húsið og á bílastæðinu, það er viðurkennt að það var ekki gert, mér voru dæmdar bætur vegna þess galla, en samt er byggingarstjórinn sýknaður og talinn hafa framfylgt byggingarreglugerðum. Þar af leiðandi á ég að greiða honum 600.000 krónur, út af því að hann var sýknaður. Dómarinn telur sem sagt allt í lagi að sá sem ber ábyrgðina á að þessum málum, fari ekki eftir byggingarreglugerðum.

Rakaskemmdirnar í íbúðinni, tel ég vera galli. Það eru allir sammála um það að rakaskemmdir teljast galli, en ég fæ ekki bætur út af þeim galla þar sem ég get ekki sagt né sannað hvaðan vatnið kemur. Það er mitt að sanna þann galla, hvers vegna vatnið kemur inn, það er víst ekki nóg að gallinn er í íbúðinni og hefur verið frá upphafi.

Ætli það sé vani hjá JB Byggingarfélaginu að setja mismunandi stærðir hurða í sömu íbúðina? Af hverju ætli það hafi verið gert? Voru ekki til nógu margar innihurðir í sömu stærð?  Þetta er staðreyndin í minni íbúð, mismunandi stærðir hurða, þetta fæ ég ekki bætur fyrir, þetta telja dómararnir greinilega vera eðlilegt. Kannski er þetta í tísku?

Innréttignarnar í eldhúsinu og fataskápar eru ekki með þeim höldum sem við pöntuðum, við pöntuðum 15 cm höldur, en þeir setja 30 cm höldur á fyrir mistök. Þetta eiga þeir ekki heldur að borga okkur bætur fyrir, við eigum bara að sætta okkur við eitthvað annað en við pöntuðum. 

Það er svipað og ég færi og pantaði mér Bláan Bens, en fengi afgreiddan gulan Skoda. Ætti ég bara að sætta mig við það???? Mundir þú sætta þig við það????? Það var smá dæld í bílnum mínum þegar ég keypti hann, það var sko ekkert vesen eða mál út af því, það var bara lagað, strax. En bílinn kostaði bara 10% af því sem íbúðin kostaði.  

 

DÓMUR: SÚR SIGUR Í GALLAMÁLINU GEGN BYGGINGARFÉLAGINU

Jæja, þá féll dómurinn í morgunn. Ég verð nú að segja það að mín tiltrú á dómskerfinu beið mikla hnekki í morgunn. Þetta var súr sigur og vægast sagt furðulegur dómur, þrátt fyrir að ég vann málið varðandi flest alla gallana í íbúðinni. Að mínu mati er dómsúrskurðurinn þversagnakendur. Mér voru dæmdar bætur vegna hinna ýmsu galla að upphæð 1.144.148 krónur ásamt dráttarvöxtum frá 18.ágúst 2006, svo var byggingarfélagið dæmt til að greiða mér 800.000 krónur í málskostnað, en ég var dæmd til að greiða byggingarstjóranum 600.000 krónur í málskostnað þar sem hann var sýknaður af öllum kröfum. Þetta þýðir bætur og málskostnaður sem ég á að fá greitt nemur 1.944.148 og svo reiknast dráttarvextir á hluta kröfunnar, en frá þessu dregst svo málskostnaður sem mér ber að greiða byggingarstjóranu, þá eru 1.344.148 krónur eftir.

Matið á göllum á íbúðinni unnu 2 dómskvaddir matsmenn, það þýðir að Héraðsdómari skipar 2 menn til að meta gallana, þeim var sagt að gera ýtarlegt og faglegt mat. Sem þeir gerðu að mestu leiti. Sú matsgerð kostaði mig 737.040 krónur. Þeirra mat á göllunum hljóðaði upp á tæpar 2,2 milljónir, svo bættist við þá kröfu vegna þess að við fengum ekki réttar höldur á fataskápa og eldhúsinnréttingu, þannig að heildarkrafan hljóðaði upp á 2.646.947 krónur. Málskostnaður hjá mér vegna lögræðinga var komið rétt yfir 900.00 krónur,kostnaður vegna matsgerðar dómskvaddra matsmanna og annara aðila var komin í ásamt innheimtukostnaði sem ég greiddi, þegar þeir stefndu mér vegna lokagreiðslunnar var komin í tæpar 1.148.000 krónur. Heildarkostnaður hjá mér við málaferlið er því rúmar 2 milljónir.  Alls hljómaði krafan mín upp á 4.438.667 krónur, það eru bætur ásamt kostnaði og svo bætast dráttarvextir við.

Þannig að mér eru dæmdar bætur sem eru rétt um 43% af matinu vegna gallana. Og svo er málskostnaðurinn sem ég mun sitja eftir með þegar ég hef greitt byggingarstjóranum, heilar 200.000 krónur, sem er rétt um 10% af útlögðum kostnaði hjá mér við þetta mál.

Samkvæmt byggingarreglugerðum ber byggingarsjóri ábyrgð á því að húsið er byggt samkvæmt reglugerðum og samþykktum teikningum. En hann var sýknaður af öllum kröfum.

Í dóminum stendur á bls.5

"Stefnandi kveðst telja byggingarstjórann samábyrgan seljanda þar sem hann beri ábyrgð á því samkvæmt 2. mgr. 32. gr. byggingarreglugerðar nr. 441/1998 að byggt sé í samræmi við samþykkta uppdrætti, lög og reglugerðir." 

Í lið 9. Aðgengi fyrir hreyfihamlaða utanhús

" Samkvæmt byggingarreglugerð grein 203.1 skulu skábrautir fyrir umferð í hjólastól að jafnaði ekki vera brattari en 1:20. Matsmenn fundu út að kafli á bílastæði næst inngangi íbúðarinnar væri 1:8,7 og halli á gangstétt frá efri brún á kantsteini við götu og á móts við húshorn væri 1:9,8 en halli þaðan og á móts við útidyr íbúðar 1:27 eða minna" 

" Að þessu virtu er það niðurstaða dómsins að við gerð bílastæðis og gangstétt að húsi hafi verið gengið á svig við fyrrgreint ákvæði byggingarreglugerðar og því sé fasteigninni ábótavant að þessu leyti" 

Þarna kemur þversagnarkendi dómurinn inn í málið að minni meiningu, byggingarstjórinn sýknaður.

"Með hliðsjón af því sem að framan er rakið þykir ekki annað komið fram en að umrædd fasteign hafi verið byggð í samræmi við þessi ákvæði að því undandskyldu að því hefur verið slegið föstu að fasteigninni hafi verið áfátt að því leyti að halli á bílastæði og lóð hafi verið mun meiri en kröfur byggingarreglugerðar segja til um." 

Íbúðin var í byggingu þegar við keyptum hana, og þær teikningar sem við fengum og er samþykktar hjá Byggingarfulltrúa Ríkisins, eru þær að íbúðin á að vera fyrir fatlaða, það þýðir hurðir skuli ekki vera minni en 90 cm, við erum með 3 þannig hurðar en allar hinar eru minni. Þeir eru sýknaðir af þessari kröfu þar sem dómarar segja það óumdeilt að íbúð stefnanda er hönnuð með þessar þarfi í huga og verður ekki af gögnum málsins annað ráðið en að hana megi innrétta samkvæmt þörfum hreyfihamlaðra.

Þetta finnst mér vera í hæsta máta fáránlegt, ég kaupi íbúð og fæ teikningar sem búið er að  stimpla og samþykkja að íbúðin sé fyrir fatlaða, þar af leiðandi þurfa hurðargöt að vera 90cm.  Eins og ég segi, eru 3 hurðar 90 cm breiðar hinar hurðarnar eru 80 cm og ein þeirra er 60cm. Þannig að ég kaupi íbúð fyrir fatlaða og það er svo mitt vandamál að fara að brjóta og stækka hurðargötin til að íbúðin verði eins og ég taldi mig hafa keypt hana. Þröskuldar eða uppstig í aðalútidyrum húss fyrir fatlaða skulu ekki vera hærri en 25mm, þröskuldurinn í útidyrahurð hjá mér mældist 60mm inni en 90mm utan frá. 

Hér er linkurinn á dómsúrskurðinn 

Eins og ég segji, jú ég vann málið, en djöfulli er þetta súr sigur.  Það er svo margt sem mig virkilega langar að segja, en það er ekki þorandi. Ég er alls ekki sátt við þennan dóm, sem er frekar  illa lyktandi, að mínu mati.  En ég er alls ekki hlutlaus.

Stóra stundin í fyrramálið

Jæja, þá er loks að koma að því, stóra stundin rennur upp klukkan 9 í fyrramálið. Dómsuppkvaðningin í málssókninni hjá mér gegn byggingarfélaginu, byggingarstjóranum og tryggingarfélaginu.

Ég er búin að sveiflast í allar áttir, vinn ég málið, tapa ég því, hvað gerist eiginlega í þessu öllu saman???????

Trúir maður á réttláta málsmeðferð og góðan og farsælan endi á þessu máli??????

Búin að standa í þessari baráttu í sjö og hálft ár, og henni verður lokið eftir 10 klukkutíma.... Smá stress, hækkaður blóðþrýstingur og hausverkur

Ef ég gæti lagst á hnéin, þá mundi ég gera það, en dómararnir eru ábyggilega búnir að ákveða hvernig þetta fer allt saman og eru líklegast að slappa af og undirbúa sig fyrir háttinn. Og ég er bara drullu stressuð

Jæja, hvernig sem allt fer, þá fáið þið að heyra um það á morgunn, er að hugsa um að taka smá rúnt á blogg vinina, fara að lesa smá og koma mér í rúmið. Treysti mér ekki til að sofa á kamrinum eins og prinsessan

 

Þyrnirós og Óskarinn

Um kvöldamatarleitið í gær hvarf dóttir mín, við kölluðum stöðugt á hana og hún svaraði ekki. Hún á það til að gera þetta, fara eitthvað og fela sig og svara ekki þegar við köllum á hana. Þannig að þá var farið að  leita að prinsessunni, og fannst hún á skemmtilegum stað, steinsofandi, sem útskýrði það að hún svaraði ekki þegar við kölluðum á hana. Ég ætla að láta myndirnar tala sínu máli

Þetta er ástæðan fyrir því að prinsessan svaraði okkur ekki í gær þegar við kölluðum á hana

 

 

 

 

 

 

 

 

 

Hún hafði greinilega þurft að fara á salernið, og þar sofnaði hún bara og hafði það ósköp huggulegt. Það eru bara börn sem geta sofna alls staðar

 

 

 

 

 

 

 

 

Nú eru búið að afhenda Óskarinn. Ég fékk einn í fyrra frá unglingnum mínum og er hann geymdur á hillu í stofunni, ég var að vísu ekki búin að skrifa neina ræðu, enda ferlega óvænt að fá einn Óskar upp úr þurru. En mikið ofboðslega er ég montin með ÓSKARINN MINN, frá elsta prinsinum

 

 

 

 

Ég varð orðlaus eins og stórsjörnurnar og bara táraðist, þegar unglingurinn minn gaf mér þennan Óskar í fyrra. Tekstinn á honum er bara æðislegur. Daniel minn, ég elska þig líka. 

Ég er að hressast og búin að fá staðfestingu á fávitaskap ráðherra

Ég er öll að hressast, sef eins og ungabarn, þarf ekki lengur að hjálpa fætinum þegar ég er að snúa mér. Fyrir aðgerðina leið mér alltaf eins og fóturinn snéri vitlaust og að hnéskelin væri aftan í hnésbótinni.  Er farin að geta beygt hnéið mikið meira en ég gat áður, nota kælipokann á hnéið til að draga úr bólgum og deyfa og svo eru það bara æfingar og beygjur, hætti ekki fyrr en ég næ fullri beygju á hnéið aftur, svo byrja ég á fullu í sjúkraþjálfuninni á miðvikudaginn. Ég sleppi því stundum að nota hækjurnar hér heima, en þar sem það er mikil hálka úti og miðað við mína heppni, þori ég ekki annað en að nota hækjurnar þegar ég fer út. Svo fæ ég að vita meira hvað ég má og má ekki hjá doksa á fimmtudaginn.

Ég fór áðan á heilsugæslustöðina með yngri strákinn og þvílíkt frelsi að komast út og geta keyrt sjálf. Jæja, eins og ég sagði fór ég með yngri prinsinn til heimilislækninn áðan, hann er slæmur af vöðvabólgu í baki, hálsi og herðum, sem er náttúrlega afleiðingar af slysinu hjá honum í fyrra. Lækninum fannst réttast að gefa honum bólgueyðandi töflur og svo held ég áfram að nudda kútinn minn, það versta er að drengurinn kvartar svo lítið og segir ekki frá því þegar hann er slæmur, hann hvæsir bara á fjölskyldumeðlimina og þá veit ég hvernig honum líður.

Það var rólegt á heilsugæslunni þegar við vorum þar, þannig að læknirinn spjallaði þó nokkuð, ég lét hann hafa læknabréfið sem ég fékk í seinustu viku varðandi lesblinduna og vandamálin hjá prinsinum mínum. Ég spurði hann hvað það er sem heilsugæslann átti að geta gert varðandi lesblindu, eins og hópurinn sem hún Þorgerður Katrín Menntamálaráðherra,setti á laggirnar sem kom fram með þær snilldar tillögu um "VIRKJA HEILSUGÆSLUNA" Læknirinn vissi ekkert um það hvað heilsugæslan átti að geta gert annað en það að benda mér á að fara með drenginn í lesblindugreiningu.  Ég sagði lækninum að það væri búið að greina hann með lesblindu, þá brosti hann bara og sagði að hann væri ekki með neina lausn né lyf sem virka á né lækna lesblindu. Þetta vissi ég náttúrlega, en langaði bara að athuga hvaða lausn heilsugæslan átti að veita í þessum málum. Við spjölluðum aðeins um nýju reglugerðina hjá Gunnlaugi Heilbrigðismálaráðherra, varðandi ókeypis læknishjálp fyrir öll börn, sem er að ganga frá heilsugælsunni og læknunum þar dauðum, því nú koma hýsterískir foreldrar í tonnatali með börnin um leið og einhver hnerraði í leikskólanum. Það veldur því að raunverulega veikt fólk þarf að bíða í marga daga og stundum í vikur eftir því að fá tíma á heilsugæslunni hjá lækni.

Þannig að það sem ég komast að í dag, eða réttara sagt fékk staðfest, er að ráðherrar hafa oft á tíðum ekki hundsvit á því sem þeir eru að gera, þeir setja bara fram  einhverjar fáránlegar tillögur, sem eru algerlega gagnslausar og valda bara meira veseni en lausnum.

Menntamálaráðherra Þorgerður Katrín sagði: 

VIRKJUM HEILSUGÆSLUNA. Það virkar ekkert fyrir lesblinda, það er engin læknisfræðinleg lausn til varðandi lesblindu.

Heilbrigðismálaráðherra Gunnlaugur Þór sagði: 

Frítt fyrir börnin til læknis, veldur því að það er varla hægt að fá tíma hjá heimilislækni fyrir veikt fólk, þar sem foreldrar hlaupa með börnin þangað í hrönnum, því það er nú ókeypis að fara þangað með börnin. 

 Á morgunn er svo planið að hringja í menntamálaráðuneytið og leita lausna varðandi lesblindu sem virka, eða þá að ég sendi frúnni tölvupóst og bið um svör eða leiðbeiningar.

Þetta er afleiðingin, Gunnlaugur minn

Ég var búin að segja að þetta mundi gerast. Þessi nýja reglugerð hjá honum Gunnlaugi Þór var algjörlega van hugsuð, hækka gjöldin á þá sem síst skyldi öryrkja og aldraða,og ókeypis fyrir börnin. Það segir sig sjálft að foreldrar munu hlaupa í tíma og ótíma með börnin til læknis, þar sem það er ókeypis. Þannig að nú er ástandið orðið þannig að maður fær varla tíma hjá heimilislækni lengur og að fara á vaktina sem er á heilsugæslustöðvunum milli klukkan 4 og 6  þá er margra klukkutíma bið og manni líður  eins og maður sé staddur á leikskóla.

Kæri Heilbrigðisráðherra Gunnlaugur Þór, betra er að hugsa fyrst og framkvæma svo

Fleiri börn til læknis?

Nærgætinn Eiginmaður

Þegar konur eldast, grein eftir Jón Jónsson.

Það er mikilvægt fyrir karlmenn að muna, að eftir því sem konur eldast verður erfiðara fyrir þær að halda sömu gæðum í húsverkunum og þegar þær voru ungar. Þegar þú tekur eftir þessu, reyndu ekki að æpa á hana. Sumar konur eru ofurviðkvæmar, og það er ekkert verra til en ofurviðkvæm kona.

Ég heiti Jón. Ég ætla að segja ykkur hvernig ég tókst á við þetta ástand varðandi konuna mína - hana Siggu. Þegar ég settist í helgan stein fyrir nokkrum árum, þurfti Sigga auðvitað að fá sér heildagsvinnu meðfram hlutastarfinu, bæði til þess að auka tekjur heimilisins og halda sparnaði okkar hjóna gangandi. Fljótlega eftir að hún fór að vinna tók ég þó eftir að aldurinn fór að sjást á henni. Ég kem venjulega heim úr golfi á sama tíma og hún kemur heim úr vinnunni. Þó hún viti hvað ég er svangur, þá þarf hún næstum alltaf að hvíla sig í hálftíma áður en hún fer að elda matinn. Ég æpi þó ekki á hana. Í staðinn segi ég henni að taka þann tíma sem hún þarf og vekja mig bara þegar maturinn er kominn á borðið. Ég borða venjulega hádegismat í "Heiðursmannagrillinu" í klúbbhúsinu þannig að það er auðvitað ekkert á dagskránni að fara út að borða. Áður fyrr var Sigga vön að vaska upp um leið og við vorum búin að borða. Nú er hinsvegar ekkert óvenjulegt að það bíði jafnvel í nokkra tíma. Ég geri það sem ég get með því að minna hana á það á nærgætinn hátt að diskarnir þvoi sig ekki sjálfir. Ég veit að hún kann að meta þetta, þar sem það virðist hvetja hana til að klára uppvaskið áður en hún fer að sofa. Annað einkenni öldrunar er kvörtunaráráttan held ég. Til dæmis heldur hún því fram að það sé erfitt að finna tíma til að greiða reikningana í matartímanum. En strákar, við lofuðum að standa með þeim í blíðu og stríðu, svo ég brosi bara og býð fram hvatningu. Ég segi henni bara að dreifa þessu á tvo til þrjá daga. Þannig þarf hún ekki að flýta sér eins mikið. Ég minni hana líka á að þótt hún missi af matartímanum af og til sé það allt í lagi ( þið vitið hvað ég meina ). Mér finnst reyndar nærgætni einn af mínum betri kostum. Þegar hún vinnur einfaldari verkefni, virðist hún halda að hún þurfi fleiri hvíldarstundir. Hún varð til dæmis að taka pásu þegar hún var einungis hálfnuð með að slá blettinn. Ég reyni að vera ekki með uppistand. Ég er sanngjarn maður. Ég segi henni að útbúa sér stórt glas af nýpressuðum köldum appelsínusafa og setjast í smástund. Og þar sem hún er að gera þetta, bið ég hana að blanda einn fyrir mig í leiðinni. Ég veit að væntanlega lít ég út eins og dýrlingur vegna þess hvernig ég styð hana Siggu mína. Það er ekkert auðvelt að sýna svona mikla tillitssemi. Mörgum karlmönnum finnst það erfitt. Og mörgum finnst það alveg ómögulegt ! Það veit enginn betur en ég hversu pirrandi konur verða þegar þær eldast. En strákar, ef þið hafið lært það af þessari grein að vera nærgætnari og minna gagnrýnir á konurnar ykkar sem eru að eldast - lít ég svo á að þetta hafi verið þess virði að setja á blað. Við megum ekki gleyma því að við fæddumst á þessa jörð til hjálpa hver öðrum.

Kveðja,Jón Jónsson

Athugasemd ritstjóra:Jón Jónsson lést skyndilega þann 27. maí sl. af blæðingum í endaþarmi. Samkvæmt lögregluskýrslu fannst Calloway extra löng 50 tommu Big Bertha golfkylfa á kafi í rassgatinu á honum, þannig að aðeins stóðu tíu cm af handfanginu út, og við hliðina var sleggja.

Sigríður konan hans var handtekin og ákærð fyrir morðið. Kviðdómurinn sem eingöngu var skipaður konum var 15 mínútur að komast að niðurstöðu sem var þessi: Við föllumst á það sem fram kemur í vörn Sigríðar að Jón hafi einhvern veginn, án þess að
gera sér grein fyrir því, sest ofan á eigin golfkylfu.
 

 

Björgvin VS Árni Matt

Björgvin stendur ennþá við þá meiningu að tollamálin og viðmiðunarmörkin eru ekki í samræmi við veruleikann. Eins og ég skrifaði í gær eftir að ég las um nýju hækkanirnar á tolli á vörum sem eru umfram 3 kíló eru bara það fáránlegasta sem ég hef lesið og er eingöngu til að þvinga Íslendinga til að versla hér heima á okurverði.

Eins og ég segi virðist Björgvin viðskiptamálaráðherra ætla að halda áfram að berjast fyrir leiðréttingu þessara mála, því þau eru skammarleg. En vandamálið við það er að þessar breytingar þurfa að fara í gegnum Árna Matt fjármálaráðherra og sá maður situr fast á sínu, telur sig vera einræðisráðherra sem ræður öllu, og ég efast stórlega að hann muni lækka tolla né að hann muni beyta upphæðinni sem leifilegt er að versla fyrir. 

Árni Matt telur sig ekki þurfa að hlusta á neinn annan en sjálfan sig og telur að hann ræður næstum hverju sem er. Hann sem yfirmaður fjármálaráðuneytisins, er sko ekkert að flýta sér að hlýta dómi Hæstaréttar varðandi skattagreiðslur Impreglio og það kostar okkur skattgreiðendur rúmlega milljón á dag í vexti. Árni er sem sagt líka yfir Hæstarétt hafinn, hann þarf ekki að hlusta á nefndir og úrskurði þeirra varðandi ráðningu dómara. Hann er búin að fá spurningar frá umboðsmanni alþingis um áðningu dómara, sem hann segist muni svara. Fyrir mér viðrist Fjármálaráðherra vera að springa úr hroka og er haldin einræðisherra syndrome. 

Telur tollafríðindin ekki í samræmi við veruleikann

Á að vigta nærbuxnakaupin við heimkomu??????

Nýjar reglur Tollstjórans í Reykjavík sem tóku gildi 1.febrúar stór auka álögur á ferðamenn.  Fram kemur í 24stundir í dag að ferðamenn mega koma með samtals heil 3 kíló af matvælum og fatnaði til landsins. Áður fyrr þurftu ferðamenn að greiða 125 krónur á hvert umfram kíló.  Nú eru hins vegar komnar nýjar reglur, nú greiða ferðamenn minsmunandi háa tolla fyrir minsmunandi vöruflokka.

Gjaldið á kjötvörum er orðið 991 króna, eða áttfallt hærra en það var, fyrir hvert umfram kíló.

Gjaldið á osta er orðið 757 krónur, eða sexfallt hærra en það var, fyrir hvert umfram kíló.

Gjaldið á fatnað er 745 krónur, eða rúmlega sexfallt hærra en það var fyrir hvert umfram kíló, þ.m.t skór.

"Hugsunin á bak við þetta er að allir borgi sambærilegt verð. Þeir sem flytja inn matvæli, kúnnar þeirra og þeir sem geta keypt sér matvörur í útlöndum og tekið með sér heim," segir Kári Gunnlaugsson, deildarstjóri Tollgæslunnar á Suðurnesjum.

Ætla tollverðir í Leifsstöð að fara að vigta nærbuxurnar sem maður kaupir sér erlendis og rukka svo 745 krónur fyrir hvert kíló af nærbuxum ?

Þvílíkt helvítis okur og skatta kjaftæði, þetta er eingöngu gert til að vernda okurverslunarverð á skerinu. Bölvaðir verslunareigendurnir eða ríkið mega ekki alls ekki tapa á því að Íslendingar fari erlendis og versla sér fatnað sem er fjórum til sex sinnum ódýrari hér heima. Nei, nú á að fara að vigta allt draslið og rukka fyrir það, það mun taka helvíti langan tíma að koamst í gegnum tollskoðunina á Leifsstöð héðan í frá.

Íslendingar mega ekki vera hagsýnir og spara með því að versla erlendis. Nei, það væri nú algjör glæpur.

Ég man ekki betur en að í viðtali við Björgvin Guðna Sigurðsson viðskiptaráðherra í haust, var hann að tala um að það þurfti nú að fara að skoða þessar tollareglur upp á nýtt, með tilliti til fjárhæðar sem Íslendingum er leifilegt að versla fyrir erlendis, það er að segja 46.000 króna markið. Hvernig væri það nú að hann færi nú að standa við þau orð sín og gera eitthvað í þessum málum, ekki bara tala heldur framkvæma. Er þetta kannski breytingarnar sem hann var að tala um, fara bara að borga kílóverð á allt sem er í ferðatöskunum.

Sem dæmi; hjón fara til Bandaríkjanna að versla föt á fjölskylduna, hvort um sig má hafa með sér tvær ferðatöskur, sem hver má vera 23 kíló það gerir 92 kíló, svo mega þau hafa flugfreyju tösku með sér um borð sem má vera 6 kíló, það gerir 12 kíló. Þannig að samtals mega hjónin hafa  104 kíló meðferðis, en samkvæmt reglum má hafa 3 kíló af fatnaði hvort þá getum við dregið 6 kíló frá, þá eru eftir 98 kíló, og samkvæmt þessum nýju reglum þá þurfa þau að borga 745 krónur x 98 kíló, sem gerir samtals 73.010 krónur í tolla.

Hvernig á svo að afgreiða það mál að það eru tvær mismunandi tollareglur í gildi, þú mátt versla tollfrjálst fyrir 46.000 krónur án þess að greiða tolla, en þú mátt bara hafa 3 kíló af fatnaði meðferðis tollfrjálst. Verður það bara geðþótta ákvörðun tollvarða hvorri reglunni verður farið eftir?

Svo spyr ég, getur Tollstjórinn í Reykjavík og Tollgæslan  í Leifsstöð ákveðið að breyta tollareglum , án þess að það er samþykkt á Alþingi??????????????

 

 

Takk fyrir hækkun bóta um 3-4%

Núgerðir kjarasamningar munu hafa áhrif á bætur almannatrygginga til hækkunar. Hækkuninn mun vera um það bil 3-4% og samkvæmt fréttinni er verið að uppreikna bæturnar með tilliti til kjarasmaningana.

Í þessum kjarasamningum var samið um hækkun lægstu taxta um 18-21.000 kr og atvinnuleysisbætur hækki til samræmis við hækkun lægstu launa. Heildar hækkun launa á samningstímabilinu eru 32%.

Um áramótin hækkuðu bætur almannatrygginga um 3,5%, það þýðir í krónu tölum fyrir lífeyrisþega sem var ekki með neinar greiðslur annarsstaðar frá hækkun upp á heilar 5.013 krónur og hækkunin nú mun vera fyrir sama einstakling um það bil 6.201 krónur. Þannig að lífeyrisþeginn mun að öllum líkindum miðað við fréttina fá í heildina 11.214 króna hækkun frá áramótum.

Það sem lítið hefur verið rætt um hins vegar þegar kemur að lífeyrisþegum eru breytingar sem urðu á greiðslunum um áramótin í tengslum við þá lífeyrisþega sem eru með greiðslur frá lífeyrissjóði. Árið 2007 skertu greiðslur frá lífeyrissjóði tekjutrygginguna um 80%, en um áramótin hækkaði sú skerðing og nú skerða lífeyrissjóðsgreiðslurnar tekjutrygginguna um 100%, ef ég man rétt að þá var sú skerðing árið 2006, 60%. Þannig að þær breytingar sem hafa verið gerðar á bótum og útreikningi almannatrygginga er bara meiri skerðingar endalaust. Þessi loforð um breytingar og lagfæringar á þessum skerðingum sem búið er að mótmæla í mörg ár vegna þess hve óréttlátar þær eru, tilfæringarnar urðu í raun þær að laun og bætur maka skertu tekjurnar minna en einstaklingar sem eru aleinir fengu meiri skerðingu í hausinn í staðinn. Það var sem sagt á kostnað einstaklings sem býr einn að almannatryggingar gátu minnkað skerðingarhlutföll bóta og tekjur maka.

Lífeyrisþegar eru og verða alltaf fastir í fátæktinni, með bætur undir fátækramörkum.

Aðalsteinn Baldvinsson sagði: "Stjörnur ársins fyrir mér eru, láglaunafólkið, það eru öryrkjar og ellilífeyrisþegar, sem þrátt fyrir alla hagsældina sem verið hefur á Íslandi, búa við kjör sem eru fyrir neðan skilgreind fátækramörk, sem eru í kringum 130.000 krónur á mánuði. Ég vil meina að aðeins snillingar með mikið fjármálavit geti framfleytt sér á þessum tekjum, en reyndar á það ekki að vera hægt."

Bætur hækka um 3 til 4%