Fræðasetur, heimasíða og heilsugæsla vegna lesblindu?

Hversu mikin skilning hafði þessi blessaða nefnd á þeirri fötlun sem lesblinda er? Greinilega ekki mjög mikinn, ef þetta eru tillögurnar sem komu frá þessari nefnd.

„Ég skipaði hóp sem skilaði skýrslu í vor með tillögum að úrbótum. Þar kom tillaga um opnun fræðaseturs með áherslu á lesörðugleika og áhersla var lögð á opnun heimasíðu með upplýsingum fyrir kennara, foreldra og nemendur. Hún verður vonandi opnuð 16. nóvember. Þá hafa aðrar tillögur verið settar í farveg, m.a. varðandi samræmd próf og aðkomu heilsugæslunnar í tengslum við seinkaðan málþroska barna undir 6 ára aldri," segir Þorgerður, sem hyggst vinna markvisst að úrbótum.

Áhersla lögð á fræðasetur með áherslu á lesörðugleika.                                                             

Áhersla lögð á opnun heimasíðu með upplýsingum fyrir kennara, foreldra og nemendur.

Tillögur varðandi samræmd próf og aðkomu heilsugæslunnur í tengslum við seinkaðan málþroska.

Hvaða gagn á að vera af þessum tillögum?   Það eru til heimasíður um lesblindu, ein heimasíðann enn breytir ekki neinu. Hvaða gagn á að vera í heilsugæslunni.

Það er jafn mikið gagn í þessum tillögum og ef ég væri með bilaðan bíl og mér væri ráðlagt að fara með hann í bakarí, setja bensín á hann og bóna hann svo vel. Sem sagt gagnlaust. Þetta mundi ekki koma bilaða bílnum mínum í gang.

Fræðasetur, heimasíða og heilsugæsla eru ekki réttu hjálpartækin fyrir börn með lesblindu. Hvernig væri það að senda kennara og eða börnin sjálf sem eru lesblind í Davistæknileiðréttingu. Það er rétta hjálpartækið fyrir þau. Það væri alveg tilgangslaust að gefa blindum einstaklingi hækjur og jafn fáránlegt að gefa lömuðum blindrahund.

Ég hafði vonast eftir því að nefndin mundi nú koma með tillögur til að hjálpa lesblindum, ekki tillögur sem stuðla að meiri umræðum og spjalli um þessa fötlun.

 

Lesblindir verði settir í forgang

Athugasemdir

[Guðmundur Jónsson, 8.11.2007 kl. 09:08]

Lesblinda er ekki fötlun. lesblindar er hluti af því sem í daglegu tali er nefnt greind. Lesblindir einstaklingar eru samt ekki endilega heimskari en annað fólk, Þeirra greind liggur gjarnan annarsstaðar, eins og í stærðfræði eða tungumálum. Þorgerður Katrín vill taka á því að lesblindir einstaklingar eiga erfitt uppdráttar í skólakerfinu vegna þess að skólakerfið er gallað og tekur ekki tillit til þess að einstaklingarnir eru jafn misjafnir og þeir eru margir.

[Guðbjörg Elín Heiðarsdóttir (IP-tala skráð) 8.11.2007 kl. 09:18]

Góðan daginn Ingunn Jóna. Ég er svo hjartanlega sammála þér að þessi nefnd sem þú ert að tala um sem var búin til , til að '' hjálpa '' lesblindum ,skilar ekki því sem þeir sem glíma við lesblindu þurfa á að halda til að geta menntað sig.Ég bara skil ekki hvað er í gangi  þessu þjóðfélagi okkar ,það er löngu vitað að það er nokkuð til sem heitir lesblinda og það er sama og ekkert gert til að hjálpa þeim sem þurfa virkilega HJÁLP. Ég veit um marga krakka sem hafa flosnað upp úr menntaskóla út af lesblindu, og sjálf á ég tvo syni sem gáfust upp eftir fyrsta veturinn í menntaskóla.Ég er búin að gera allt sem ég get til að hvetja syni mína og fara jafnvel í skólann þar sem annar þeirra var byrjaður í námi, en ég kom algjörlega að lokuðum dyrum þar og mætti engum skilningi. Á endanum gafst þessi sonur minn líka upp á náminu og upplifði sig sem heimskan og með mjög lágt sjálfmat. Eins og hann sagði við mig svo oft, ég er bara einhver auli sem ætti ekki að vera til. Það verður að fara að opna þessa umræðu uppá gátt og gera eitthvað róttækt í málunum. Menntamálaráðherra verður aðkoma sér betur inn í það mál hvað LESBLINDA er. Það gengur ekki upp að búa til einhverja nefnd sem á að fara í málið,sem veit ekki út á hvað lesblinda gengur.Ég hef heyrt t.d. að Háskóli Íslands hafi engin hjálpartæki né skilning á því að hjálpa lesblindum háskólanemum, nemendunum er bara sagt að þeir verði að leggja meira á sig með námið.Það hjálpar ekkert að segja svona,það er alveg eins hægt að rétta blindum manni bók og segja honum að lesa.

[Ingunn Jóna Gísladóttir, 8.11.2007 kl. 09:43]

Sæll Guðmundur, ég tel lesblindu vera fötlun. En er alveg sammála þér að lesblindir eru með aðra og víðtækari greind en við sem eru ekki lesblind. Lesblindir eru í flestum tilfellum með mikið hærri greindarvísitölu en bókaormarni.

Sæl Guðbjörg. Það er grátlegt hvað það er lítlill skilningur í þessu þjóðfélagi gagnvart einstaklingum sem þurfa á hjálp og skilningi að halda. Og að missa alla þessa vel greindu lesblindu einstaklinga út úr skólakerfinu er hræðilegt. Það er erfitt sem foreldri að horfa upp á börnin sín berjast í gegnum grunnskólann og koma þaðan niðurbrotinn og með lágt sjálfsmat, þeim finnst þeir vera heimskir, sem er ekki skrítið því þannig er komið fram við þá. Sonur minn er með athyglisbrest og var niðurbrotinn af skólakerfinu, ég talaði mikið við hann um hans fötlun, bæði kosti og ókosti, ég útskýrði allt fyrir hann og hjálpaði honum eins og ég gat og sagði honum jafnframt að kennararnir væru bara of illa menntaðir til að geta kennt honum. Honum var marg oft sagt að hann mundi aldrei geta náð góðum einkunnum með þessari leti En nú í dag er hann í 9.bekk og er að með meðaleinkunn yfir 8 og er að fara að taka 3 samræmd próf í vor. Menntakerfið er meingallað, og veldur oft miklum sálarkvölum hjá börnum með námsörðugleika, því þau eru sett til hliðar og fá ekki þau hjálpartæki sem þau þurfa á að halda.

[Guðmundur Jónsson, 8.11.2007 kl. 11:08]

Ég er elkki fatlaður.

[Ingunn Jóna Gísladóttir, 8.11.2007 kl. 11:46]

Guðmundur.    Orðið FÖTLUN er ekki neikvætt orð, nema þú túlkar það sem neikvætt. Orðið FÖTLUN  lýsir því að viðkomandi hafi einhverjar hömlur eða skerðingar . Það sem er hindrun fyrir suma en ekki aðra. Því leifi ég mér að kalla lesblindu fötlun.

[Solla Guðjóns, 9.11.2007 kl. 13:27]

Sammála ölu sem hér er sagt hefði ekki getað orðað þetta betur.

Mig langar að benda ykkur á heimasíðuna mína þar sem umræða um þessi mál hafa verið 2-3 síðustu mánuði.