Þvílík bilun

Í blaðinu 24 stundir var frétt á forsíðunni með fyrirsögninni "SJÖTTA ÞYKKASTA VESKIÐ" Átti þessi frétt að sína fram á það hvað Íslendingar hafa það gott? Ráðstöfunartekjur eftir skatta 1,8 milljón á ári, það samsvarar 150.000 kr á mánuði, eða 300.000 kr hjá hjónum. En það kemur líka framm í fréttinni að bak við þessar tölur eru Íslendingar að vinna sem samsvarar 25% fleirri vinnutíma en hinar þjóðirnar, sem er það sama og ein auka vinnuvika á mánuði.

Þannig að miðað við þessa frétt getur ekki nokkur Íslendingur keypt sér þak yfir höfuðið, sérstaklega þegar við skoðum dæmið sem var í blöðunum í dag, hjón með 2 börn þurfa að hafa 680.000 kr í mánaðalaun til að kaupa þriggja herbergja íbúð. Að vísu kemur fram að hjónin voru greinilega ekki búin að spara saman neitt upp í útborgun á íbúð. En ef meðaltalslaunin eftir skatta til að ná því að vera í með sjötta þykkasta veskið eru heilar 300.000 kr, þá er það augljóst að það getur ekki verið auðvelt að leggja mikið til hliðar í sparnað.

Ég held að það fer ekkert á milli mála að þetta þjóðfélag er að fara til andskotans, með þessu áframhaldi, þá verðum við fátækasta landið í Evrópu. Við eigum í raun ekkert af því sem við þykjumst eiga. Við skuldum fyrir það allt saman.

Allt er verðtryggt nema launin, vsk-urinn var lækkaður á matvörum, en verðið er hægt og rólega að hækka aftur og fer að ná því sem það var fyrir lækkun á vsk. Við erum með hæsta verð bensín og dísel í heiminum.

Vextir á íbúðarlánum eru 5,3% hjá íbúðarlánasjóði og upp í 7,15% hjá bönkunum og svo verðtryggingin. 

Bílalán eru með 8,95% vext og verðtryggingu, óverðtryggð bílalán eru með 16% vexti.

Vísa lán og raðgreiðslur eru með 17,75% vexti og 2% lántökugjald.

Vextir á yfirdráttarlán eru frá 18,7% og upp í 24,5% eftir bankastofnunum. 

Stýrivextir Seðlabankans eru 13,75% og dráttavextir eru 24%

Stór hluti þjóðarinnar eru með raðgreiðslur, bílalán, yfirdráttarlán, íbúðarlán og á erfitt með að standa skil á þessu öllu og eru þar af leiðandi að greiða 25% dráttarvexti líka. 

Er það skrítið að Íslendingar eru endalaust að væla og kvarta hvað lífið er erfitt, tölurnar hér fyrir ofan eru staðreynd, en það stoppar ekki Íslendinga í þeirri verslunargleði og eyðslu sem er í gangi á Frónni. Launin hjá þeim sem eru lægstlaunaðir þurfa að hækka, en það þarf líka að hugsa um að spara, það gengur aldrei upp að meðalhjónin sem eru með 300.000kr útborgað á mánuði, en greiðslubyrðir og reikningar hjá sama fólkinu eru oft á tíðum komið langt upp fyrir útborguð laun.

Það eru ekkert skrítið að það er mikið um hegðunarvandamál því að börn ganga sjálfala, foreldrarnir hafa ekki tíma fyrir þau, það þarf að vinna allan sólahringinn til að rembast við að greiða fyrir alla hlutina sem allir þurfa að eiga og kaupa, til að vera ekki með minna en nágrannin sem býr við hliðina. 

Ég held ég fara að íhuga það að flytja af landi brott. 

 

 

Athugasemdir

[Greta Björg Úlfsdóttir, 17.11.2007 kl. 15:23]

Ég hugsa um það reglulega að flytja af landi brott, ég á bara eftir að ákveða hvert.

[Solla Guðjóns, 17.11.2007 kl. 23:33]

Það er að koma upp sú stað hér sem var fyrir ca 15-20 árum þegar mjög margir voru að missa ofanaf sér eins og sagt var......sama hevlítis vaxtabrjálæðið.Og allt stefnir í að bankar og aðrir lánadrottnar fari aftur að kaupa húseignir á uppboðum.

ARGGGGG.

[Lárus Gabríel Guðmundsson, 19.11.2007 kl. 23:22]

Ég tel ekkert stórkostlega athyglisvert við vinnuofstopa Íslendinga. Mér finnst hann eiginlega satt að segja á köflum sjarmerandi og mögulega forsenda þess að við, þessar fáu hræður, höfum þrátt fyrir allt þraukað af okkar einangrun og ömurleg harðindi í gegnum tíðina. Hitt er svo annað mál að meðallífsstíll fólks virðist einhvernvegin svo uppskrúfaður að margir enda með magasár eða stress andskotans, kannski hvorttveggja í sumum tilvikum. Það er svo stutt í flottræfilinn í okkur greyjunum. Við verðum að vera flottastir, ríkastir og stærstir en gleymum því að fara vel með okkur andlega... Bara smá pæling .