Frábær Fjöryrkjahittingur

Í dag hittumst 5 fjöryrkjar fyrir austan, nánar tiltekið í Hveragerði, við erum svo hagkvæmar eða fátækar að Ragga fjöryrki koma á sínum bíl og sótti mig og svo rúlluðum við austur að hitta hinar skutlurnar. Hittumst heima hjá Heiðu fjöryrkja sem er nýflutt í Hveragerði og er í alveg yndilsegu húsi þar og útsýnið hjá henni er alveg æðislegt. Arna fjöryrki var einnig með okkur að fara yfir undirskriftarlistana. Það var yndislegt að hittast loksins, við vorum að yfirfara undirskriftarlistana og gera þá klára fyrir afhendingu, þegar við loksins náum í skottið á henni Jóhönnu Félagsmálaráðherra og fáum tíma hjá henni. Þið sem hafið fylgst með fjöryrkja báráttunni hafið kannski tekið eftir því að við gefumst ekki upp og erum alveg bölvanlega þrjóskar

Yfirfjöryrkin hún Frú Ásdís er náttúrulega alveg hörkudugleg að koma þessum lista af stað, ég held að hún þekki hálft Ísland. Það var næstum alveg sama hvaða nafn var nefnt, hún þekkti viðkomandi og 3 ættliði aftur, ásamt  mökum, börnum, syskinum og  öðrum fjarskyldum ættingjum

Það er alveg meiriháttar þegar að fólk tekur sig saman og berst fyrir réttlæti og breytingum, ekki veitir af að breyta kerfinu hjá Tryggingarstofnun því það er algjör grautur. Að hittast svona og spjalla saman um hlutina og finna það að við erum ekki ein að berjast og bölva hver í sínu horni. Fjöryrkjarnir fimm sem hittumst í dag eru alveg ofboðslega skemmtilegar og fjörugar skutlur.   Ragga fjöryrki er alveg æðislegur listamaður, ég hvet ykkur að kíkja á bloggið hennar og skoða myndirnar af verkunum hennar.  Það væri nú skemmtilegt ef að við gætum safnað saman enn fleirri fjöryrkjum og hittst einhver staðar einhverntíma fljótlega. 

Myndir af sólsetrinu séð frá Hveragerði í dag. 

Sólsetrið á myndunum tók ekki nema 3 mínútur. 

 

Athugasemdir

[Katrín Ósk Adamsdóttir, 20.11.2007 kl. 22:24]

Æ ég vona að það komi eitthvað útúr þessum undirskriftalista,ég hef mikla trú á Jóhönnu og það er aldrei að vita nema að ég gerist samfylkingarmaddama ef að ég sé einhverjar úrbætur í þessum málaflokk,knús á þig

[Ragnhildur Jónsdóttir, 20.11.2007 kl. 22:42]

Yndislegar myndir Ingunn! Þú ert nú algjör ljósmyndasnillingur! Takk fyrir yndislegan dag, mikið var gaman að hittast svona allar saman.

Gerum þetta aftur fljótlega

knús og kveðjur

Ragga fjöryrki 

[Guðrún Arna Möller (IP-tala skráð) 21.11.2007 kl. 01:36]

Þetta eru svakalega fallegar myndir stelpa.  Þú hefur þetta svona mikið í þér, vaaaá! 

Vona að þú hafir það ljúft og gott í nóttinni - kveðja, Arna fjöryrki 

[Solla Guðjóns, 21.11.2007 kl. 19:23]