Veðrið er að versna

Þá er það enn einn stormurinn á leiðinni, hafa blessuðu hjálparsveitirnar ekki fengið nóg að gera þennan mánuðinn. Nú er flugeldasalan komin á fullt hjá þeim og vakt allan sólahringinn í tengslum við það og svo verður víst eitthvað fjör í Kára í nótt og þá verða björgunarsveitirnar kallaðar út aftur.

Veðrið er að skella á, við fjölskyldan vorum að koma heim núna rétt áðan, búum í Staðarhverfinu í Reykjavík og fjörið er byrjað hér. Tveir bílar pikk fastir upp við Korpúlfsstaðina, nokkrir úti með skóflurnar að reyna að losa þá. Færðin er að verða hundleiðinleg, mikið fjúk og þá myndast þessir æðislegu snjóskaflar alls staðar og bílarnir annað hvort sygla í gegnum skaflana eða þá að þeir hringsnúast og festast.

Nú er bara kominn tími á að hita sér kakó með rjóma, hendast upp í sófa með fjölskyldunni og njóta þess að vera kominn heim.  

Stormi spáð á öllu landinu

Athugasemdir

[Ásdís Sigurðardóttir, 30.12.2007 kl. 11:33]

Hér vaknaði ég við lætin, kisa er að pissa á sig úr hræðslu, liggur í fanginu á mér.  Er farið að batna hjá ykkur??  kær kveðja á þig.

[Ingunn Jóna Gísladóttir, 30.12.2007 kl. 13:23]

Nei, veðrið er hundleyðinlegt, en fjölskyldan virðist bara breiða upp fyrir haus og halda áfram að sofa, þannig að ég sit ein hérna frammi í rólegheitunum. Æðislegur friður Knús og kossar á ykkur öll.