Loksins búið!!!!

Þá er málsmeðferðinni varðandi íbúðina loksins lokið  Ég er búin að standa í sjö og hálfs árs baráttu við byggingarfélagið sem byggði íbúðina sem við keyptum okkur. Ég var alls ekki sátt við alla gallana sem komu í ljós í íbúðinni og sinnuleysi af hálfu byggingaraðilans og því fór ég í málaferli við þá. Þetta er búið að vera heljarinnar stapp og vesen, endalausir frestir og kjaftæði, en loksins í gærmorgunn komu dómarar og lögfræðingar hingað að skoða íbúðina og svo var farið beint niður í Héraðsdóm Reykjavíkur þar sem aðalmeðferðin fór fram og henni lauk seinnipartinn í gær Dómsuppkvaðning verður 22. febrúar, þannig að nú er bara verið að bíða eftir þeim degi. Það er ekkert meira sem ég get gert í þessu máli, nú er það komið alfarið í hendurnar á 3 dómurum. Ég vona bara að ég fái ástæðu til að opna Kampavínsflösku föstudaginn 22. febrúar.

Eftir að málinu lauk, þá varð að hendast heim sækja drengina og koma þeim í æfingar, og svo koma sjálfri mér í sjúkraþjálfun. Þjálfarinn heldur áfram með tilraunastarfsemi á hnénu á mér með því að líma það þvers og kruss, mér líður eins og pakka þegar hann hefur lokið sér af með teipið

Ég ætlaði varla að nenna að fara af stað í gær eftir að við komum heim, það varð svo mikið spennu fall hjá mér eftir að málsmeðferðinni lauk, að ég hefði getað sofnað. Ég var svo tóm að ég var sofnuð fyrir miðnætti, það gerist bara aldrei hjá mér að ég sofna svo snemma.

En í dag er ég svo að fara í segulómunina til að athuga hvað mér tókst að skemma í hnénu á gamlárskvöld með þessu stökki. Held að næsta gamlárskvöld þá kaupi ég bara enga flugelda, svo ég þurfi ekki að stökkva undan þeim.  Svo er það að sækja yngri  prinsinn og fara í hnykk, þeytast heim og sækja restina af börnunum og aftur niður í bæ. Yngri strákurinn er að fara á handboltamót í dag og á morgunn, svo eru úrslitaleikirnir á sunnudaginn. 

Þannig að það er alltaf nóg að gerast og mér leiðist aldrei Svo er ég að plana að bjóða allri fjölskyldunni í mat á sunnudaginn í tilefni af því að eitt árið enn ræðst á mig þann daginn. Var með bollukaffi um seinustu helgi og bakaði þá 110 bollur sem hurfu ofan í fjölskylduna. 

Jæja, verð að hendast af stað, ég kíki á ykkur öll þegar róast hjá mér Eigið þið æðislega helgi

Athugasemdir

[Linda litla, 8.2.2008 kl. 15:57]

Ég vona að 22 febrúar verði eftiminnilegur góður dagur hjá ykkur.

Eigðu góða helgi með fjölskyldunni og farðu vel með þig góða mín.

[Ásdís Sigurðardóttir, 8.2.2008 kl. 15:57]

Bara brjálað að gera hjá þér.  Ég var einmitt að hugsa til þín í gær þegar ég heyrði uppkvaðningu einhvers annars svona húsamáls.  Farðu nú vel með hnéið þitt, vona bara að þér batni.  Eigðu góða helgi mín kæra.

[Guðrún Arna Möller (IP-tala skráð) 8.2.2008 kl. 18:14]

Ég hélt einmitt að hitt málið sem kom í fréttirnar hefði verið þitt mál og ég hugsaði "loksins réttlæti!".  En þá er víst að bíða örrrrrlítið lengur.  Vona að það verði í svipuðum stíl hjá þér.  Njóttu helgarinnar Ingunn mín

[Katrín Ósk Adamsdóttir, 8.2.2008 kl. 20:12]

Gott að þetta mál með húsið fer að klárast og vonandi að það fari vel  Já,það er greinilega alltaf nóg að gera hjá þér Ingunn mín,ég óska þér góðrar helgar skvís  Ha eitt árið enn ? afmæli ?

[Huld S. Ringsted, 8.2.2008 kl. 21:53]

Hlýtur að vera ákveðinn léttir að þetta sé búið, núna er bara að vona að úrskurðurinn verði þér vel hagstæður

Áttu afmæli á sunnudaginn? 

[Solla Guðjóns, 9.2.2008 kl. 03:50]

Vona svo sannarlega að dómararnir þrír sjái sóma sinn að dæma þér ærlega í hag............Taktu fagnandi við árinu alltaf gaman að eiga afmæli.

[Katrín Ósk Adamsdóttir, 9.2.2008 kl. 14:22]

Já,ég er búin að vera að reyna að finna þetta út með afmælið  Ég fann Ingunni Jónu sem á afmæli 10 febrúar

[Kjartan D Kjartansson, 12.2.2008 kl. 10:21]

Ég vona svo innilega að það verði opnað fyrir Kampavínið og það flæði um allt, þér til fagnaðar í langri og mjög strangri baráttu með þetta.

[Ólafur fannberg, 12.2.2008 kl. 16:47]

vona að allt falli ykkur i hag