Laun opinberra starfsmanna

Horfði á fréttirna á Stöð 2 í kvöld þar sem verið var að tala um launkjör opinberra starfsmanna. Það var sorglegt að sjá þessar tölur.

 

                                                           Heildarl.        Dagvinnul.

• Félagsráðgjafar                         327.122        308.492
• Leikskólakennarar                     324.812        298.141
• Grunnskólakennarar                  319.625        264.376
• Leikarar                                     315.624        265.599
• Starfsmenn Stjórnarráðs           310.624        238.535
• Sinfonían                                   298.135        287.687
• Hjúkrunarfræðingar                   447.764        296.191
• Lögreglan                                  441.286        250.517
• Framhaldsskólakennarar           401.415        296.241
• Náttúrufræðingar                       396.733        323.137
• Sjúkraliðar                                 335.637        217.576

Þetta eru heildarlaun og svo aftur á móti dagvinnulaun fyrstu 6 mánuði ársins 2007. Heildarlaunin eru þó nokkru hærri en dagvinnulaunin.  Miðað við þessar tölur gætu hjón sem eru með háskólamenntun og ynnu bara dagvinnu hjá því opinbera ekki hafa efni á því að kaupa sér 3ja herbergja íbúð í dag, þar sem að sagt er að hjón þurfi að hafa 680.000 kr á mánuði til að ráða við þau íbúðarkaup.

Það er mannekla í grunnskólunum enda eru kennaralaunin ekki há. Mikil mannekla er í öllu heilbrigðiskerfinu, enda eru laun til dæmis sjúkraliða heilar 217.576 kr á mánuði, en þar sem spítalar eru opnir allan sólahringinn allan ársins hring, þá þarf náttúrulega að vera vakt allan sólahringinn og því ná sjúkraliðar 335.637 kr í heildarlaun fyrstu 6 mánuði ársins, inni i þessum tölum eru einnig mikið af aukavöktum, þar sem mikil mannekla er innan þessarar stéttar og þar af leiðandi mikið af útköllum á vaktir.  

Eins og sjá má á launatöflunni þá er það greinilegt að laun þeirra sem vinna við ummönun og menntun eru ekki mikils metin, því þar eru lægstu launin. Er virkilega hægt að bjóða sjúkraliðum 217.576 krónur í mánaðarlaun, þetta er eitt af þeim störfum sem eru alveg ofboðslega erfitt bæði líkamlega og andlega. 

Ráðamenn þessa lands, nú megið þið virkilega skammast ykkar fyrir að bjóða starfsfólki sem vinnur erfið ummönunarstörf þessi skammarlegu laun. Dettur ykkur í hug að þetta starfsfólk muni sætta sig við 4-6% launahækkun á þessi smánarlaun í næstu kjarasamningum?  Reynið nú aðeins að jafna launin og gera þetta réttlátt, laun þeirra sem starfa hjá því opinbera dugar ekki einu sinni fyrir þaki yfir höfuðið.

Smá upplýsingar í lokin, bætur öryrkja sem slasast við 22 ára aldur og hefur engin lífeyrissjóðsréttindi, hann fær 150.017 krónur á mánuði hjá TR og eftir skatta hefur hann  128.528 krónur.

Athugasemdir

[Eiríkur Harðarson, 26.11.2007 kl. 22:54]

Ingunn er það nokkuð vitleysa í mér að örorkubætur séu tengdar við ákveðið prósentuhlutfall launa er viðkomandi hafði fyrir slys/veikindi?

Þá er komið að spurningu minni: hvers vegna hefurðu 22 ára örorkutöku-viðmið  í þinni færslu, 22 ára er viðkomandi MJÖG líklega í vinnu. Mín örorka hófst þegar ég var 13 ára og alveg pottþétt engir launaseðlar til að reikna útfrá. Sé þetta einhver hel..... vitleysa í mér biðst ég afsökunar á þessar athugasemd.

[Katrín Ósk Adamsdóttir, 26.11.2007 kl. 23:06]

Ég var í kringum 23 ára þegar að ég varð óvinnufær, en hafði ekki unnið mér inn lífeyrissjóðsréttindi.

[Ingunn Jóna Gísladóttir, 26.11.2007 kl. 23:10]

Eiríkur, bæturnar eru ekki miðaðar við laun fyrir slys, nema bara bætur frá tryggingarfélaginu en ekki hjá TR, þar er alveg sama hvort þú varst með laun eða ekki fyrir slys. Þar fá allir sömu bæturnar. Lífeyrissjóðir greiða miðað við áunnin réttindi og framreikning. Tók 22 ára viðmið, það var sá aldur þegar ég varð óvinnufær, þó ég lenti í slysinu 19ára, þrjóskaðist við að klára að læra og vann smá tíma eftir útskrift.