Jóhanna Sigurðardóttir og Fjöryrkja Fjör í morgunn

28.11.2007 | 14:18

Jóhanna Sigurðardóttir og Fjöryrkja Fjör í morgunn

Jæja þá erum við búin að hitta Jóhönnu Sigurðardóttir Félagsmálaráðherra og afhenda undirskriftarlistana. Við hittumst fyrst á Kaffi París kl.10 og spjölluðum. Svo röltum við yfir í Félagsmálaráðuneytið, áttum tíma hjá Jóhönnu kl.11:30, Hrannar B. tók á móti okkur og áttum við gott spjall við hann svo kom Jóhanna og tók við undirskriftunum og Ásdís Yfirfjöryki las upp bréf sem hún hafði skrifað fyrir okkar hönd.

Fjölmiðlar höfðu verið látnir vita, en þeir einu sem höfðu áhuga og mættu var RÚV, sem tók upp afhendinguna.

Ég hef mikla trú á henni Jóhönnu Sigurðardóttur, hún hefur í mörg ár sínt áhuga og talað um málefni lífeyrisþega. Hún er búin að koma í gang nefnd sem mun skoða og yfirfara allt þetta TR kerfi, og vonandi verða gerðar stórar breytingar á því flókna kerfi til betrunar, bæði fyrir lífeyrisþegana og starfsfólk stofnunarinnar.

Jóhanna Sigurðardóttir Félagsmálaráðherra, við bíðum spennt eftir að sjá þær breytingar sem verða gerðar í framtíðinni á þessu öllu saman þegar þú tekur við þessum málaflokki um áramótin.

Takk kærlega fyrir að gefa þér tíma til að taka á móti okkur.

Flokkur: Bloggar | Facebook

Athugasemdir

Takk fyrir skemmtileg kynni,vonandi hittumst við sem oftast.

Hef fulla trú á að Jóhanna komi málum í betra og viðunandi horf.

Magnús Paul Korntop, 28.11.2007 kl. 14:48

Ingunn, þetta var alveg frábært í morgun að hitta Jóhönnu. Hún er náttúrulega kjarnakona og kemur örugglega skiljanlegum og mannúðlegum skikk á málefni öryrkja og eldri borgara.

Svo var líka yndislegt að hitta ykkur aftur og hitta ykkur hin sem ég hafði ekki séð áður.