Komin heim

Ég kom heim í dag. Búin að sofa næstum allan daginn, það er bara svo gott að sofa í heima hjá sér og í eigin rúmi.  Aðgerðirnar gengu vel, hnéið aðeins verra farið en myndirnar sýndu, doksi hreinsaði eitthvað af brjóskinu innan úr hnéskelinni og svo kom í ljós að liðþófinn var rifinn og tætur, þannig að hann þurfti að fjarlægja eitthvað af honum. Einnig þurfti að laga liðbandið í mjöðminni, sem var í því að smella og valda mér bölvuðum verkjum Liðbandið var svo ferlega strekt, þannig að doksi skar inn að liðbandinu og klauf það í spagettí strimla, þetta á að hjálpa liðbandinu að slakkna og lengjast.

Annars fór mikið af því sem hann sagði við mig í gær inn um annað eyra og út um hitt. Maður er pínu ruglaður eftir svæfinguna og hausinn ekki að virka vel þegar maður er á sterkum verkjalyfjum.

Nóttin var erfið, þó nokkrir verkir og alltaf erfitt að sofa vel í öðrum rúmum en manns eigins og með fullt herbergi af stynjandi sjúklingum í kringum sig. Mikið ofboðslega er gott að vera komin heim aftur.

Jæja, vildi bara láta vita að allt gekk vel, ég er á lífi og komin heim.  Ætla að fara að koma mér í rúmið, er orðin virkilega sljó og þreytt.

Elsku bloggvinir takk kærlega fyrir allar hlýju kveðjurnar frá ykkur.

Athugasemdir

[Ásdís Sigurðardóttir, 21.12.2007 kl. 12:17]

Mikið er ég glöð að heyra að þetta gekk svona vel.  Ég býð spennt eftir því að komast í skoðun hjá honum. Fór út í búð í gærkvöldi og rölti aðeins um, hrundi þrisvar eins og auli og auðvitað alltaf einhver vitni að því.  Hafðu það gott mín kæra og við tölumst.   knús   

[Ólafur fannberg, 21.12.2007 kl. 13:41]

velkominn heim

[Ingunn Jóna Gísladóttir, 21.12.2007 kl. 14:42]

Takk fyrir kveðjurnar, já það er æðislegt að vera komin heim