Hvað kostar svo Friðunin????

Þetta er orðið þvílkt rugl að það nær engri átt, með þessa kofa á Laugaveginum. Hvað kemur allt þetta ferli til með að kosta, tafirnar, friðunin, fluttningurinn og að gera húsin upp???? Þetta er örugglega kostnaður upp á nokkur hundruð milljónir. Í Reykjavíkurborg er búið að hækka fasteignagjöldin um 12%, hæsta leifilega útsvar er í borginni og svo framvegis. Á sá peningur að fara í þessa vitleysu???

Er til svo mikill peningur hjá Reykjavíkurborg og Ríkinu, til að  varðveita og gera upp þessi hús .

 

 

 

 

Við foreldrar höfum leitað til borgarinnar varðandi skólahúsnæðið í okkar hverfi sem var byggt of lítið og er löngu sprungið, og þar af leiðandi er komið með skúra "Færanlegar Kennslustofur" er víst fína orðið yfir það. Við höfum kvartað yfir aðstæðum sem börnunum okkar er boðið upp á og viljum að eitthvað verði gert varðandi þessa ógeðslegu skúra, sem eru myglaðir og leka, þá er sagt að það eru ekki til  peningar til að bjóða börnum okkar upp á viðunandi skólahúsnæði. Skólaskúrarnir eru heilsuspillandi og það eru ekki til peningar til að gera neitt í því En nú eru til peningar til að henda í þessi hús við Laugavegin, þessi hús eru sem sagt mikilvægari en skólahúsnæði fyrir börnin okkar ??? Húsnæði sem börn þurfa að eyða 6-7 klukkustundum í á hverjum degi í 10 ár. 

Hér eru nokkrar myndir sem ég tók í sumar af Færanlegum kennslustofunum við Korpuskóla sem var tekin í notkun fyrir rúmum 2 árum síðan. Við erum búin að láta borgina hafa þessar myndir, aðgengi fyrir fatlaða var lagað, eitthvað var málað inni í skúrunum, en þeir mýleka ennþá og eru illa lyktandi, en það er allt í lagi, börnin okkar þurfa að vera þarna og þau kvarta ekki svo mikið.

 

 

 

 

Hér er mynd af gati í einum útveggnum, smá myglusveppir og fúi, sem veldur ógeðslegri lykt, en þetta er fyrir börnin okkar, þannig að borgin eyðir ekki pening í að laga þetta.

Bara heilsuspillandi, allt í lagi.

 

 

 

 

 

 

 

 

 

 

 

 

 

Pípulagnirnar eru staðsettar beint fyrir ofan innganginn í stofurnar, þær eru algerlega óvarðar. Ef þær springa þá erum við bara með skaðbrennd börn. En það eru ekki til peningar til að laga þetta heldur.

Slysahætta.

 

 

 

 

 

Glugginn að utanverðu, fúinn og lekur. En þetta er bara húsnæði fyrir börnin og ekki til peningar til að bæta úr þessu heldur.

En það er skólaskilda og börnunum er boðið upp á svona aðsöðu til að læra í.

 

 

 

 

 

Það er ekki til peningar til að byggja almennilega og nógu stóra skóla. En það er hægt að henda mörg hundruð milljónum í einhverja helvítis kofa á Laugaveginum.  Djöfulli verð ég reið, þetta eru mínir peningar líka sem þessir fávitar eru að vesenast með, ég kæri mig ekki um að mínu framlagi verði hent í þetta rusl, það er margt annað mikið þarfara við peningana að gera. 

Meirihlutinn vill ný hús við Laugaveg

Athugasemdir

[Gísli Friðrik Ágústsson (IP-tala skráð) 10.1.2008 kl. 12:15]

Ef þessi kona sem vill endurbyggja húsin í upprunalegri mynd á eigin kostnað fær það, þá er engin eyðsla af hendi borgarinnar.

Kynna sér hlutina aðeins betur áður en maður missir sig er það ekki?

 Ég er annars sammála þér í því að margfalt meira mætti nota af aurum borgarinnar í að útrýma þessum færanlegu og ,,tímabundnu" (hvað ætli sumar þeirra séu gamlar?) skólastofum. 

[Solla Guðjóns, 10.1.2008 kl. 23:51]

Ég sé hvergi neitt um neina konuÉg reyndar skil ekkert í þessu 101 Reykjavíkdæmi.......finnst flest sem maður lesum um það svæði bölvað snobb og rugl.....