Björgvin VS Árni Matt

Björgvin stendur ennþá við þá meiningu að tollamálin og viðmiðunarmörkin eru ekki í samræmi við veruleikann. Eins og ég skrifaði í gær eftir að ég las um nýju hækkanirnar á tolli á vörum sem eru umfram 3 kíló eru bara það fáránlegasta sem ég hef lesið og er eingöngu til að þvinga Íslendinga til að versla hér heima á okurverði.

Eins og ég segi virðist Björgvin viðskiptamálaráðherra ætla að halda áfram að berjast fyrir leiðréttingu þessara mála, því þau eru skammarleg. En vandamálið við það er að þessar breytingar þurfa að fara í gegnum Árna Matt fjármálaráðherra og sá maður situr fast á sínu, telur sig vera einræðisráðherra sem ræður öllu, og ég efast stórlega að hann muni lækka tolla né að hann muni beyta upphæðinni sem leifilegt er að versla fyrir. 

Árni Matt telur sig ekki þurfa að hlusta á neinn annan en sjálfan sig og telur að hann ræður næstum hverju sem er. Hann sem yfirmaður fjármálaráðuneytisins, er sko ekkert að flýta sér að hlýta dómi Hæstaréttar varðandi skattagreiðslur Impreglio og það kostar okkur skattgreiðendur rúmlega milljón á dag í vexti. Árni er sem sagt líka yfir Hæstarétt hafinn, hann þarf ekki að hlusta á nefndir og úrskurði þeirra varðandi ráðningu dómara. Hann er búin að fá spurningar frá umboðsmanni alþingis um áðningu dómara, sem hann segist muni svara. Fyrir mér viðrist Fjármálaráðherra vera að springa úr hroka og er haldin einræðisherra syndrome. 

Telur tollafríðindin ekki í samræmi við veruleikann

Athugasemdir

[Landfari, 23.2.2008 kl. 12:07]

Væri ekki nær að lækka tolla og innflutningsgjöld til að fólki sem ekki hefur efni á að ferðast til útlanda eigi líka möguleika á að gera góð kaup.

Hvað sanngirni er í að sá sem ekki hefur ráð á flugmiðaog fær hann ekki vinnu sinnar vegna verði að borga alla tolla og svo virðisauka ofan á allt en hinn sem hefur efni á að ferðast fá allt frítt sem hinn þarf að borga í sameigilnegan sjóð okkar.

Hvernig er hægt að réttlæta þessa skattlagningu á þá efnaminni?

[Ingunn Jóna Gísladóttir, 23.2.2008 kl. 14:12]

Landfari, auðvitað væri best fyrir alla að lækka tolla og gjöld, þannig að það yrði ódýrara að versla hér heima. En ég veit að það mun aldrei gerast að verð á Íslandi verði sambærilegt eða svipað og það er erlendis. Það varð nú lækkun á virðisaukaskatti hér fyrir tæpu ári síðan, en það kom ekki viðskiptavininum til góða, nema fyrstu vikurnar,því að verslanir og framleiðendur eru löngu búnir að troða þeirri lækkunn í eigin vasa með því að hækka vörurverð all hressilega, þannig að það er orðið hærra en það var fyrir lækkun á virðisaukanum.