Komin heim

Ég kom heim í dag. Búin að sofa næstum allan daginn, það er bara svo gott að sofa í heima hjá sér og í eigin rúmi.  Aðgerðirnar gengu vel, hnéið aðeins verra farið en myndirnar sýndu, doksi hreinsaði eitthvað af brjóskinu innan úr hnéskelinni og svo kom í ljós að liðþófinn var rifinn og tætur, þannig að hann þurfti að fjarlægja eitthvað af honum. Einnig þurfti að laga liðbandið í mjöðminni, sem var í því að smella og valda mér bölvuðum verkjum Liðbandið var svo ferlega strekt, þannig að doksi skar inn að liðbandinu og klauf það í spagettí strimla, þetta á að hjálpa liðbandinu að slakkna og lengjast.

Annars fór mikið af því sem hann sagði við mig í gær inn um annað eyra og út um hitt. Maður er pínu ruglaður eftir svæfinguna og hausinn ekki að virka vel þegar maður er á sterkum verkjalyfjum.

Nóttin var erfið, þó nokkrir verkir og alltaf erfitt að sofa vel í öðrum rúmum en manns eigins og með fullt herbergi af stynjandi sjúklingum í kringum sig. Mikið ofboðslega er gott að vera komin heim aftur.

Jæja, vildi bara láta vita að allt gekk vel, ég er á lífi og komin heim.  Ætla að fara að koma mér í rúmið, er orðin virkilega sljó og þreytt.

Elsku bloggvinir takk kærlega fyrir allar hlýju kveðjurnar frá ykkur.

Smá bloggpása

Þá er komið að því að ég skreppi aðeins inn á St JÓ í Hafnarfirði í aðgerðirnar, læknirinn vildi leggja mig inn þar sem ég fer í 2 aðgerðir í einu. Mín eigin ákvörðun að slá 2 flugur í einu höggi, nenni ekki í aðgerðir á 3-5 mánaða fresti, nú vill ég fara að ljúka allavega öðrum fætinum af, svo verður hinn fyrir barðinu á skurðarhníf doksa á næsta ári. Ég er búin að vera í áskrift hjá lækninum núna þetta árið, á morgunn verður hann búin að gera 4 aðgerðir á mér í ár.

Ef ég væri bíll, með svona lélegt boddy og öxlarnir hundónýtir, væri það ekki búið að skutla mér í endurvinnsluna, bræði mig niður og búa til Coke Dósir og bjór dósir úr mér, sem þið kæru bloggvinir væruð nú að sötra á????????????????

Jæja, nú held ég að ég verði að fara að drattast inn í rúm og hvíla mig fyrir morgundaginn, þarf að vakna snemma til þess eins að láta svæfa mig aftur. En kósý  Ég kíki svo á ykkur elsku bloggvinir um leið og ég kem heim aftur. Hafið það sem allra best, heyrumst hress og kát í jólastuði fljótlega.

Elsku Börnin

Nokkrir  Gullmolar frá börnunum.

Í gær varð ég að útskýra fyrir dótturinni sem er 5 ára að ég væri að fara á spítalann í aðgerð, hún þurfti að fá miklar og nákvæmar útskýirngar á því öllu saman. Hún vildi vita afhverju ég þurfti að fara á spítalann ég sagði henni að það þarf að laga fótinn, sem sagt mjöðm og hné, hún sá enga ástæðu fyrir því að ég þurfti á því að halda að láta laga fótinn neitt. Hún sgði við mig "Mamma þú getur alveg labbað, af hverju þarf þá að skera í fótinn", hún er eitthvað ósátt við  það að ég fari á spítalann núna. Þannig að ég varð að sýna henni og útskýra allt að nú ætti að laga fótinn svo að ég losna við alla verkina og gæti þá labbað meira og lengra, en hún heldur fast í sína meiningu "Þú getur alveg labbað og þarft ekki að fara á spítalann. En skutlan jafnaði sig smá saman þegar ég sagði henni að ég yrði nú kominn heim fyrir Jól, þá varð hún sáttari og ég fékk leifi til að fara í viðgerðina.

Í gærkvöldi fékk ég svo spurningu frá henni upp úr þurru, "Mamma hvert ætli þið að flytja þegar ég verð stór" ????? Ég sagði við hana að við ætluðum ekki að flytja, planið er að búa áfram hér. Hún var ekki alveg sammála því, þar sem að hún ætlar að eiga heima hér þegar hún verður stór, þannig að við þurfum að flytja og finna okkur annað heimili, því hún ætlar ekki að flytja þetta er hennar heimili

Fyrir nokkrum árum var elsti sonurinn að ræða málin, ég sagði honum að maður ætti alltaf að reyna að vinna sér inn peninga og leggja til hliðar og spara, hann spurði afhverju, ég sagði honum að þegar maður verður unglingur þá langar öllum t.d. að eignast bíl þegar þeir fá bílpróf. Honum fannst það sniðug hugmynd að spara peningana, en sá enga ástæði til að kaupa sér bíl. Ég sagði við hann að flest allir kaupa sér bíl þegar þeir eru unglingar, hann sagði mér að hann þurfti ekki að kaupa sér neinn bíl . Ég var ekki alveg að skilja hann, fyrr en hann sagði mér " Mamma ég þarf ekki að kaupa mér bíl, ég nota bara ykkar" þá spurði ég hann hvað hann ætlar að gera þegar hann flytur, hann snöggur að svara, "Ég nota bara ykkar bíl" ????? Hann ætlaði að kaupa bara íbúðina fyrir ofan okkur, þannig að þá gæti hann áfram notað okkar bíl þótt hann væri fluttur. Þannig að hann ætlaði að spara sína peninga til að kaupa bara íbúðina í staðinn

Fyrir mörgum árum var svo yngri sonurinn alveg að gera út af við okkur með frekju, við fengum nóg og sögðum við hann að ef hann væri ósattur við þær reglur sem væru á heimilinu, þá mætti hann alveg pakka og flytja eitthvað annað.  Litli kúturinn fór á bleyjunni inn í herbergi og náði í töskuna, við hjálpuðum honum að pakka smá af dótinum hans. Hann klæddi sig og svo fór hann inn í geymsluna og stóð fyrir framan frystkistuna. Við spurðum hvað hann væri að gera?  Hann ætlaði að fá smá mat með sér í töskuna svo hann yrði ekki svangur þarna  úti

Allt á fullu

Þá er ég búin að setja í Owerdrive fyrir jólin, verð víst að drífa í að klára allan jólaundirbúning á morgunn. Ég á víst að mæta á spítalann á miðvikudaginn í tvær aðgerðir, þannig að það er ekki mikill tími til stefnu.

En ég er búin að vera þokkalega dugleg í dag, klippti karlinn eftir hádegi, hann neitar að fara á stofu honum finnst enginn klippa hann nógu vel, þannig að þá verð ég að redda því. Yngri strákurinn klipptur núna í kvöld, en hann er svo hagsýnn og vill því að ég klippi hann og hann fær peninginn í staðinn  Við kíktum í Byko og fjárfestum í nokkrum seríum, sem ég er búin að skutla upp og nokkrar jólagjafir keyptar.

Svo fórum við í Holtagarðana í nýju Hagkaup og Max, þar þurftum við að þræða á milli bala og fata sem voru út um allt á gólfunum vegna leka í þakinu Ekki mikil meðmæli með íslenskum byggingariðnaði, hélt að þetta væri bara heima hjá mér. Svo tók ég eftir því þegar ég var búin að borga fyrir það sem við versluðum í Hagkaup að það var bara ekkert samræði á milli verðs í hillu og á kassa, þannig að við hentumst inn aftur og skoðuðum, svo tókum við bara hilluverðmiðana með okkur á þjónustuborðið til að skammast, var búin að leita að starfsfólki í búðinni og gafst upp á því. Daman sem var á þjónustuborðinu var engan veginn búin að gera sér grein fyrir því að það stóð stórum stöfum fyrir aftan hana ÞJÓNUSTUBORÐ, því hún var svo ferlega fúl að ég hélt hún ætlaði engan veginn að ráða við það að leiðrétta verðið og endurgreiða okkur. OMG hvað ég þoli ekki þjónustufólk með enga þjónustulund, mig langaði að spyrja hana hvort hún gleymdi að taka lyfin sín í morgunn, en jólaandinn í mér kom í veg fyrir það

Á morgunn er svo loka handboltaæfingin fyrir jól, með tilheyrandi jólafjöri, kökur gos og nammi, ofboðslega verða strákarnir hressir á þeirri æfingu. Svo þarf litli prinsinn að fara beint í afmæli niður í Keiluhöll eftir æfinguna, og þá verð ég að nýta tímann og klára seinustu jólagjafirnar.

Jæja, nú er ég greinilega búin að ofgera mér og verkirnir orðnir frekar pirrandi, þannig að ég er að pæla í að henda mér í rúmið, enda nóg að gera á morgunn þar sem ég verða að klára það sem eftir er fyrir jólin áður en ég fer á spítalann á miðvikudaginn. 

Smá mömmu mont

Ég bara verð að fá að monta mig aðeins á unglingnum mínum, því mér finnst hann vera alveg frábær teiknari. Ég er náttúrulega ekki alveg hlutlaus

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Neðstu myndina gaf hann prinsessunni, sem er mjög ánægð með myndina og hún á að fara í ramma og upp á vegg strax. Listamaðurinn minn er 14 ára og er ég alveg drullu montinn af honum. 

Ekki fyrir viðkvæma.

 ÞETTA HLÝTUR AÐ KALLAST JAFNRÉTTI

VONANDI AÐ HANN LENDI EKKI Í FANGELSI MEÐ ÞETTA ÚTLIT

Hættiði nú

Synir mínir hafa nú farið ansi mikið á leikjanetið og ég ákvað sjálf að kíkja á síðuna og leita, ég gat ekki séð neitt ósiðsamlegt þar.

Af hverju er svo mikið verið að andskotast út í nekt, er þetta það hræðilegasta sem gæti komið fyrir börn, að sjá fáklæddar konur eða menn ef út í það er farið. Dóttir mín á ansi mikið aðf barbídúkkum og öðrum dúkkum, ég hef ekki farið út í það að skamma hana fyrir það að hátta þær, því ég hef ekki talið það vera neitt til að skammast yfir.

Við höfum farið í sund og til sólarlanda og þar er nú hægt að sjá ansi mikið af fáklæddu fólki. Þau hafa ekki orðið fyrir neinum andlegum skaða af þeim ferðum. Enda ræðum við mikið um alla hluti og nekt er eitt af því, þau fara nú í skólasund og þurfa að hátta sig þar.

Það er stór munur á nekt og klámi, á nú að fara að skammast sín fyrir líkama sinn og nekt. Þá er það ekki skrítið að unglingar eru svo óánægð með eigin líkama, þegar það er endalaust verið að skrifa um nekt sem eitthvað ljótt.

Ég tel mig búa í íslensku lýðræðislandi, en stundum hef ég það á tilfinningunni að við séum að nálgast múslimatrú, þar sem allar konur eiga að vera innpakkaðar frá toppi til táar svo ekkert ósiðlegt sjáist í líkama þeirra.  Það eru styttur út um allan bæ eftir fræga listamenn sem sýna nekt, nakta konu með barn í fanginu og fleirra, á að fara að taka þær niður líka.

Það er margt í þessu þjóðfélagi sem veldur börnunum miklu meiri skaða heldur en léttklætt fólk, hvernig væri að fara að vinna að þeim málum og hætta þessu rugli. 

Allir fæðast í Adamsklæðunum einu saman og feministar eru að mótmæla því að setja þau í bleik eða blá föt, vilja ekki þessa kynjaskiptingu. Væri þá ekki réttast að hafa ekki karla og kvenna klefa í sundlaugunum, þar sem að það hlýtur líka að valda kynjaskiptingu?????

Fáklæddar konur á vefjum tengdum Leikjaneti

Elsku mamma, til hamingju

Elsku Mamma, hjartanlega til hamingju með afmælisdaginn þinn.

 

Ástarkveðjur frá öllum afkvæmunum, sjáumst hress í kvöld, við elskum þig og ykkur bæði út af lífinu

                                                                
 

Hvað fékk fórnalambið???????

Nú er ég alveg hætt að skilja þetta dómskerfi hér. Ríkissjóður fær 150.000 krónur, en fórnalambið fær ekkert. Ef hin ákærða greiðir ekki sektina innan fjögurra vikna þá skal henni skutlað í steininn í 12 daga.

Hvernig í ósköpunum stendur á því að fórnalömbum hér eru næstum aldrei dæmdar neinar bætur? 

Sektuð fyrir hálstak

Íslendingar takið til utandyra.

Vá, ef hann Kári ætlar að heimsækja okkur á hverju kvöldi eða bara annað hvert kvöld fram að jólum, þá verð ég komin með sundlaug í stofunni.

Börnunum þætti það ábyggilega geðveikt COOL jólagjöf , ég væri frekar til í að hafa hana bara utandyra, en svona er það bara. Maður er að verða svolítið þreyttur á því að þurfa að standa í skúringum allar nætur. Gæti Kári ekki bara heimsótt okkur á daginn.

Er svo mikið af rusli og dóti hjá landanum að Kári þarf að vera með allsherjar Jólahreingerningu á landinu marga daga eða réttara sagt margar nætur í viku? 

Mér heyrist að Íslendingar mættu alveg fara að taka til draslið hjá sér utandyra, þetta fýkur út um allt og björgunarsveitir þurfa að vera á fullu út um allt land að hefta fjúkandi Trampólín og byggingarrusl hjá byggingarverktökum. Fólkið sem er í björgunarsveitunum hefur ábyggilega ekkert á móti því að fá smá hvíld, ég meina þetta er sjálfboðastarf og fólkið er líka í vinnu á daginn, og er svo hlaupandi út um allt á næturnar að bjarga eigum fólks frá fjúkandi rusli hjá þeim sem nenntu ekki út að taka til og koma sínu eigin drasli í skjól. 

Við fórum ekki að sofa fyrr en um klukkan 4 í nótt, vorum að þurrka upp og skúra, það sem maður er orðin hræddastur við er að fá dótið hjá nágrönnunum inn í gegnum gluggana eða inn í bílana.

Drattist út og takið til í görðunum hjá ykkur, veðrið heldur áfram svona næstu daga og það er enginn að fara að nota þessi bölvuðu trampólín á þessum tíma árs. Sveinki hefur komist í skorsteininn hingað til án þess að notast við trampólín, svo takið þau inn.