Góð helgi, en pínu þreytt

Loksins tími til að blogga smá. Það var nóg að gera um helgina, strákarnir stóðu sig vel á handboltamótinu á föstudeginum á Selfossi. En mikið ofboðslega var erfitt að þurfa að keyra heiðina í svarta myrkri, þoku og hálku á föstudagskvöldinu. Svo á laugardagsmorgninum mættum við með prinsessuna á handboltamót í Garðabænum, mikið ofboðslega er krúttlegt að fylgjast með litlu krökkunum spila, það er þó nokkur aldursmunur á þeim, þau eru frá 5 ára og upp í 8 ára í sama flokki. Þau yngstu eru ansi mikið að horfa í kringum sig og jafnvel að taka nokkur dansspor inni á vellinum, ekki alveg að fylgjast með og fá svo boltann í hausinn En toppurinn á mótunum hjá þeim yngstu er náttúrulega að fá verðlaunapeninginn í lokinn, mörkin eru ekki talin í leikjunum hjá þeim, en það er á hreinu að það breytir engu, því börnin telja mörkin.

Á sunnudeginum var svo bara tekinn einn dagur í leti, öll orka var búin eftir mikil öskur og hvatningar garg á öllum leikjunum. Hnéið var að vísu orðið tvöfalt eftir tröppu hlaup á Sefossi, þannig að það var ágætt að geta hvílt það smá.

Svo er prinsessan bara að verða sjónvarpsstjarna, í Stundinni okkar á sunnudaginn var sýnt frá fjöruferð barnanna á leiksskólanum hjá henni, þau vinna mikið í verkefnum tengdum fjörunni og taka til og hreinsa hana. Svo var sýnt viðtal við hana og aðra krakka á leikskólanum í fréttunum í gærkvöldi, þannig að hún er búin að vera í sjónvarpinu tvo daga í röð.

Unglingurinn skemmti sér frábærlega á Samfés í Höllinni, enda hitti hann loks aftur stelpuna sem hann kynntist á Laugum, hún er frá Ólafsvík, þannig að loksins  hittust þau aftur. Eru reyndar búin að vera stöðugt í msn sambandi, en það er ekki alveg það sama Erfitt að vera unglingur, með flotta stelpu sem býr úti á landi

 

 

Sara þjálfari að ræða við liðið fyrir leik. 

 

 

 

 

 

 

 

 

 

 

 

 

 

 

Aníta Ósk með verðlaunapeninginn eftir mótið, ansi stolt. 

Athugasemdir

[Huld S. Ringsted, 11.3.2008 kl. 20:12]

Það er svo gaman að því þegar krakkar eru svona dugleg í íþróttum! ég sá einmitt í sjónvarpinu frá fjöruferð leikskólakrakkanna, vildi að ég hefði vitað að þetta var dóttir þín

[Ásdís Sigurðardóttir, 11.3.2008 kl. 20:48]

Heyrðu mín kæra, þú hefðir átt að hringja í mig, ég hefði sko kíkt á þig.  Mundu það næst þegar þú ert á ferð.  Hef ekki heyrt frá Gauta ennþá, er að verða jafnslæm aftur. Farðu vel með hnéið þitt.

[Ólafur fannberg, 11.3.2008 kl. 23:35]

til lukku með börnin

[Linda litla, 12.3.2008 kl. 00:48]

Farðu varlega Ingunn mín og notaðu tröppur og stiga eins lítið og hægt er.

Góða nótt.

[Linda litla, 12.3.2008 kl. 01:03]

Fann þessa mynd, ert þetta kannski þú ??  

[Solla Guðjóns, 12.3.2008 kl. 10:00]

Til hamingju með sjónvarpsstjörnuna.Leiðinlegt að ég sá hvorugt.Það er ekkert eins gaman og filgja börnunum sínum eftir í leik og starfi og mér sýnist þú vera ansi dugleg við það og mættu aðrir taka það sér til fyrirmyndar.

Guð hvað ég kannast við þessa msn-ást og langt Til Húsavíkureða þannig.

Farðu svo varlega með þig elskan